Мөн Энхийн төлөө үйлчлэхүйн Монгол болон бусад орны төлөөллүүд оролцлоо. Сөүл хотноо болсон Дэлхийн Энхийн Конвенц нь нь иргэний нийгмийн шинэчлэлийг эв нэгдэл хамтын ажиллагаа болон харилцан ойлголцолын нөлөөллөөр Солонгосын хойгийн нэгдэлтэй холбоотой чухал ач холбогдол бүхий асуудлуудад анхаарал хандуулж шинэ үр дүнг бий болгохыг зорисон нь чухалд тооцогдож байна. Мөн Дэлхийн Энхийн Конвенцийг Солонгосын Засгийн газартай хамтран зохион байгуулсан нь илүү үр дүнтэй болоход нөлөөлсөн.

Дэлхийн Энхийн Конвенцид оролцсон улс орнуудын онцгой зочдоос дурдвал: Ерөнхийлөгчийн тамгын газар, засгийн газраас 24 төлөөлөгч, 17 Улсын их хурлын гишүүн, Дэлхийн удирдагчдын зөвлөлөөс 7, шашны удирдагч 8, Тинк Танк Академиас 18, ТББ-ийн тэргүүн ерөнхийлөгч 10, бизнесийн байгууллагын 7 удирдагч болон бусад хүндтэй зочид оролцсон юм.

Нээлтийн хүлээн авалтаар эхэлсэн GPC нь салбар хуралдаан болон хэлэлцүүлгүүд, Олон улсын парламентчдын дугуй ширээний уулзалт, Дэлхийн энх тайвны шагнал гардуулах ёслолын арга хэмжээ, Олон улсын залуу удирдагчдын чуулган гэх мэт өндөр ач холбогдол бүхий хөтөлбөрүүдээр үргэлжилж хаалтын арга хэмжээ, Сеүлийн тунхаглалаар өндөрлөлөө.

Хурлын үеэр эмэгтэйчүүдийн гүйцэтгэх үүрэг , эмэгтэйчүүдийн манлайллын талаарх хэлэлцүүлэг өрнөж, GPF WOMAN INITIATIVE –г эхлүүлсэн нь оролцогчдын талархлыг хүлээсэн чухал санаачлага байлаа.

Энэхүү конвенцийн бас нэгэн онцгой чухал хэсэг бол Дэлхийн энх тайвны шагналыг гардуулах ёслолын арга хэмжээ байсан бөгөөд дэлхийн энх тайвны төлөөх үйлст өөрийн хувь нэмэрээ оруулсан хувь хүн, албан байгууллага, хамт олонд олгогдсон 6 төрлийн шагнал байсан юм.

Шагнал гардуулах ёслолын арга хэмжээ нь олон улсын хэмжээний энх тайван, хүмүүнлэгийн их үйлсийг сайшаасан томоохон үйл ажиллагаа болсон.

GPF WOMAN INITIATIVE-г эхлүүлж, шашин хоорондын хөдөлгөөний суурийг бэхжүүлэх үйлст бодитой хувь нэмэр оруулсан, мөн Тинк Танк- Азийн Институтийн ажиллагааг өрнүүлэхээр шийдвэрлэсэн хийгээд Дэлхийн өндөр түвшний илтэгч, удирдагч нар оролцсон гээд онцлох үйл явдлаар дүүрэн конвенц болж өндөрлөлөө.