Энэхүү төсөл нь сард 1 удаа зохион байгуулагдах бөгөөд олон нийтийн оролцоог дээшлүүлсэн үйлчлэлийн томоохон хөтөлбөр байх юм. Хамгийн анхны төсөл маань 2008 оны 3 сарын 22-ны өдөр гол усаа хамгаалах зорилгоор “Сэлбэ” гол дагуух хог хаягдлыг Америк элчингээс арслантай гүүр хүртэл цэвэрлэх хөтөлбөр болж амжилттай өндөрлөлөө. Сэлбэ гол цэвэрлэх сайн дурын ажилд нийт 800 гаруй сайн дурынхан оролцлоо. Сэлбэ голын ойр орчмыг цэвэрлэх арга хэмжээний Ерөнхий зохион байгуулагчаар “Энхийн Төлөө Үйлчлэхүй” ТББ, “Оюуны-Эрэл” оюутны холбоо ажиллаж харин хамтран зохион байгуулагчаар ОЭОХ-ны дэргэдэх клуб, Монголын Бурхан Шашинтны Төв Гандан тэгчинлэн хийд, “Энхийг Бүтээгч Оюутны Корпус”-ын шилдэг оюутнууд, Их дээд сургуулиудийн оюутнууд, Ертөнц Дахины Энхтайвны Холбоо, Дэлхийн Энхтайваны залуучуудын Монголын Холбоо, Хүүхдийн “Залгамжлагч” холбоо , Олон Улсын Боловсрол Сан , Монголын Донорын холбоо , Шашны сургуулиуд зэрэг байгууллагуудын сайн дурын залуучууд оролцлоо. Тухайн үйл ажиллагааг амжилттай хэрэгжихэд бодитой дэмжлэг үзүүлсэн байгууллагууд болох “Skytel” ХХК, UBS телевиз , “ХААН БАНК САН” “МҮОН”-ийн телевиз , “Sky” худалдааны төв, “Боловсрол суваг” телевиз, “Анунгоо” ХХК , “ С-1” телевиз “ TV-8” телевизийн хамт олонд талархал илэрхийлье.