Нийгэмд үйлчлэх хөтөлбөр,  сайн дурын үйл ажиллагааны ариун үйлсийг Монгол улсад хөгжүүлэхийн төлөө үндэсний сайн дурынхан гэсэн нэгэн дээвэр дор хамтран зүтгэж хичээнгүйлэн ажиллаж буй та бүхэндээ энэ өдрийн мэндийг хүргэе. Улиран одсон 2011 он маань амжилт бүтээл, алдаа оноо, хийж бүтээхийн хүсэл сэтгэлээр дүүрэн сайхан жил байлаа.  Энхийн  төлөө үйлчлэхүй ТББ-аас 2011 онд хамтран ажилласан  сайн дурынхан болон түншлэгч байгууллагууддаа чин сэтгэлийн талархал илэрхийлэхийн ялдамд үйл ажиллагааны товч мэдээ тайланг хүргэж байна. Бид өнгөрсөн 2011 онд дараах үйл ажиллагаанууыг амжилттай хэрэгжүүлсэн байна. Үүнд:

“Хамтдаа бүтээсэн 2011 он” нэрийн дор Монгол дах Энхийн төлөөх байгууллагууд 2011 онд бодит ажил хэрэг болсон үйл ажиллагаа, олон нийтийн хөтөлбөрүүдийн үр дүнгээ цэгнэж, амжилтаа тэмдэглэх, эргэн суралцах нэгэн өдрийг хамтдаа тэмдэглэлээ. Энэ ч үүднээс Энхийн төлөөх байгууллагууд 2011 онд хийж бүтээсэн нийгмийн сэдэвт хөтөлбөрүүдийн үр дүнгээ танилцуулж, зурагт хуудас баннераар үзэсгэлэн гаргасан нь хараа булаам, гэрэл гэгээтэй харагдаж байлаа. Уг үзэсгэлэнд Дэлхийн Энхийн Их Наадам ТББ, Оюуны Эрэл оюутны холбоо, Залгамжлагч холбоо, Энхийн төлөө үйлчлэхүй ТББ, Дрийм сургалтын төв, Олон улсын боловсрол сан, Зуун нас эмнэлэг, Энх-Орчлон Дээд сургууль

Бяцхан хүү ээжээсээ яагаад уйлаад байгааг нь асуухад: эмэгтэй хүн учраас уйлж байгаа юм гэж ээж нь хариулжээ. Хүү дахиад л ээжээ би ойлгосонгүй гэхэд миний хүү хэзээ ч ойлгохгүй гээд ээж нь хүүгээ тэврэв. Тэгээд хүү ааваасаа ээж яагаад ямар ч шалтгаангүйгээр уйлаад байгаа юм бэ? гэж асуув. Бүх л эмэгтэйчүүд заримдаа шалтгаангүйгээр уйлдаг юмаа гэж аав нь хариулжээ. Өсөж том болсон ч гэлээ нөгөөх асуултынхаа учрыг олохыг хүсч байлаа. Тэгээд Бурхантай уулзаад яагаад эмэгтэй хүмүүс амархан уйлаад байдаг юм бэ? гэж асуухад Бурхан ийн хариулжээ: Би эмэгтэй хүнийг маш онцгой бүтээсэн. Би түүнд хорвоо дэлхийг тэврэн үүрч чадах хангалттай хүч чадлыг хайрлахын зэрэгцээ уян зөөлөн аалийг  ч бас өгсөн.

Сөүл хотод 2011 оны 11 дүгээр сарын 28-30-ны өдрүүдэд болсон Дэлхийн Энхийн Конвенц нь “Зүүн Азийн энхтайван ба Солонгосын хойгийн нэгдэл” уриан дор амжилттай явагдлаа. Солонгосын хойгийн өнөөгийн хурцадмал байдал нь даруй дэлхийн энх тайванд шууд нөлөөтэй төдийгүй Солонгосын хойгийн энхтайван ба амар амгалан байдлыг тогтооход бүх дэлхийн хамтын ажиллагаа хэрэгтэй болохыг оролцогчдод тодорхой ойлгуулж чадсан уг конвенцид 30 гаруй орны 500 гаруй  зочид төлөөлөгчид  хүрэлцэн ирж оролцсон юм. Энэхүү конвенцид Монгол орныг төлөөлөн төр засаг, иргэний нийгмийн удирдагчдын төлөөлөл, мөн ИДС-ийн  шилдэг оюутнуудын бүрэлдэхүүнтэй баг  оролцсон билээ.